శ్వాస మరియు జీవతం

మిత్రులారా, చాలా విషయాలు మాట్లాడాలని ఉన్నా, అవసరమున్న వరకు పలకరించుకోవడం ఉత్తమం. కాదంటారా ? అయినా మనిషి పుట్టగానే చేసే మొదటి పని ఏడవటం కాదు. నిజం. శ్వాస తీసుకోవడం. తరువాతే ఏడవటం. దతనంతరం జీవితాంతం అందరిని ఏడిపించడం. గతించడం అంటే తుది శ్వాస వదలటం. అంటే రెండు శ్వాసల మధ్య జీవితం ఇమిడి ఉన్నది.  ఎప్పుడు మొదటి శ్వాస తీసుకున్నావు ? అని అడిగితే వ్యక్తి తను పుట్టిన రోజు చెపుతాడు. చివరి శ్వాస ఎప్పుడు వదులుతావు ? అని అడిగితే ఎవరైనా చెప్పగలరా ? ఈ బ్లాగ్ కంపోజ్ చేస్తూ ఉండగానే నా తుది శ్వాస నన్ను వదిలి వెళ్లిపోవచ్చు. కాదంటారా ? ఎవ్వరి జీవితమైన అంతే . కాదనే ధైర్యం ఎవరికీ లేదు. అలా సాసిన్చగలిగితే ఆ వ్యక్తి దైవ సమానుడే. అందమైన భవితవ్యం ను గూర్చి ఆలోచించే ప్రతి వ్యక్తి, జేవితంలో ఎంతో విలువైన శ్వాసను గూర్చి రోజులో ఒక్క క్షణమైన వెచ్చిస్తే అద్భుతాలు చేయగలుగుతాడు. ప్రపంచం మరింత అందంగా మారుతుంది అన్నది నూటికి నూరుపాళ్ళు నిజం.ఈ పరుగుల యుగంలో ఇది అవసరమా ? అని అనుకోవచ్చు. కాని శ్వాసే మన జీవితము ఐనప్పుడు దానిని ఉపేక్షించడం ఎంతవరకు సమంజసం ? మరికొన్ని విషయాలతో మరల కలుద్దాం. అంతవరకూ నమస్కారములు. ఇట్లు మీ రాణా.................